"მანანა მგალობლიშვილის რეპროდუქციული კლინიკა" ფუნქციონირებს 2000 წლიდან, მისი დამფუძნებელი და ხელმძღვანელია ექიმი-რეპროდუქტოლოგი გინეკოლოგი - მანანა მგალობლიშვილი, ევროპის რეპროდუქტოლოგთა და ემბრიოლოგთა ასოციაციის წევრი და მრავალი სამეცნიერო ნაშრომის ავტორი.

კლინიკის ძირითად მიმართულებას წარმოადგენს ქალისა და კაცის უშვილობის და ყველა სახის გინეკოლოგიური დაავადებების დიაგნოსტიკა, პროფილაქტიკა და მკურნალობა, ორსულობის მართვა, პლასტიკური და ესთეტიკური გინეკოლოგია, ფუნქციონირებს ენდოსკოპიური გინეკოლოგიის ქირურგიული განყოფილება, სადაც ტარდება ლაპარასკოპია და ჰისტეროსკოპია, ფერტილოსკოპია, ორსულთა პერინატალური მეთვალყურეობის პროგრამა, გინეკოლოგიური ამბულატორია, კლინიკური ლაბორატორია.

კლინიკა წარმოადგენს რეპროდუქციული მიმართულების ერთერთ პირველ კერძო კლინიკას საქართველოში, რომლის შექმნის იდეა ეკუთვნის პროფესორ ივანე მგალობლიშვილს - ექიმ-გინეკოლოგ-რეპროდუქტოლოგს, რომელმაც აქ აშშ-ში და მსოფლიოს სხვა ქვეყნების სამედიცინო ცენტრებში მიღებული გამოცდილება დანერგა

აღმოსავლეთ ევროპაში პირველად, სწორედ აქ დაინერგა ქალის რეპროდუქციული ორგანოების დიაგნოსტიკისა და მკურნალობის ენდოსკოპიური მეთოდი - ფერტილოსკოპია, საქართველოში პირველად - მილების გამტარობის გამოკვლევის ტრანსვაგინალური მეთოდი, საკვერცხის კისტის ასპირაციული დრენირება, პოლიკისტოზური საკვერცხეების სინდრომის, ორსულობის განმეორებითი დანაკარგების და ორსულობის მართვის და მკურნალობის თანამედროვე სქემები, რომელთა შესახებ პირველი სამეცნიერო ნაშრომები საერთაშორისო გამოცემებში ივანე და მანანა მგალობლიშვილების ავტორობით დაიბეჭდა.

მანანა მგალობლიშვილი დაიბადა სოხუმში, ექიმების ოჯახში, ჰყავს 6 და-ძმა და პროფესიით ყველა ექიმი, მამა - ბიძინა მგალობლიშვილი, აფხაზეთის მთავარი ფსიქიატრი, დასავლეთ საქართველოში ფსიქიატრიული სამსახურის ფუძემდებელი, სოხუმის სახელმწიფო უნივერსიტეტის ლექტორი, მედიცინის მეცნიერებათა დოქტორი, პროფესორი.

"გიყვარდეს შენი საქმე - ეს არის ჩემი წარმატების საიდუმლო" - ამბობს მანანა მგალობლიშვილი. აღსანიშნავია, რომ "მანანა მგალობლიშვილის რეპროდუქციულ კლინიკაში" მკურნალობის შედეგად 5000-ზე მეტი ბავშვი დაიბადა.