რეზუს ფაქტორი - ეს არის ცილა, რომელიც სისხლის წითელი სხეულაკების - ერითროციტების ზედაპირზეა განლაგებული და ამის მიხედვით ადამიანებს რეზუს დადებითი, ანუ ამ ცილის მქონე და რეზუს უარყოფითი, ანუ აღნიშნული ცილის არმქონე სისხლი აქვთ.

რა თქმა უნდა, რეზუსუარყოფითი და რეზუსდადებითი სისხლი არაა პათოლოგია და ჯანმრთელობას არავითარ ზიანს არ აყენებს, გარდა იმ შემთხვევებისა, როცა ორსული ქალი არის რეზუს უარყოფითი, ხოლო ქმარი - რეზუს დადებითი და ამასთან თუ ნაყოფს მამის რეზუს დადებითი სისხლი აქვს, ამ შემთხვევაში შესაძლოა განვითარდეს ე. წ. რეზუს კონფლიქტი.

რეზუს კონფლიქტი - ესაა პათოლოგია, რომელიც ვითარდება ორსულის რეზუსუარყოფითი და ნაყოფის რეზუსდადებითი სისხლის დროს.

ქალის ორგანიზმში გამომუშავდება ანტისხეულები, რომლებსაც შესწევთ უნარი, გაანადგურონ ნაყოფის სისხლის უჯრედები (ერითროციტები), ნაყოფს განუვითარდეს სხვადასხვა სიმძიმის დაავადება და გამოიწვიოს ორსულობის ნაადრევი შეწყვეტა.

რეზუს კონფლიქტის რისკი მატულობს ქალის ორსულობების რიცხვის ზრდასთან ერთად, ამიტომ რეზუს უარყოფითი ჯგუფის მქონე ქალისთვის, რეკომენდებულია, ყოველი ორსულობის დროს და მშობიარობის ან აბორტის შემდეგ შეყვანილ იქნას ანტირეზუს იმუნოგლობულინი.

ამ პრეპარატს შესწევს უნარი, გაანეიტრალოს სისხლში არსებული ანტისხეულები და მომდევნო ორსულობა განვითარდეს გართულებების გარეშე.